मतदानासाठी महाराष्ट्र सज्ज; एका क्लिकवर पहा तुम्हाला लागणारी सर्वच माहिती

Image result for Maharashtra Vidhan Sabha

मुंबईः राज्यात विधानसभेच्या २८८ जागांसाठी होणाऱ्या मतदानाकरिता निवडणूक आयोग सज्ज झाला आहे. राज्यात शांततेत मतदान पार पडावे म्हणून पोलिसांचा मोठा बंदोबस्त ठेवण्यात आला आहे. केंद्रीय औद्योगिक सुरक्षा दल, केंद्रीय राखीव दल, गुजरात राज्य राखीव दलाचाही बंदोबस्त ठेवण्यात आला आहे. दुर्गम भागासाठी वायरलेस सेट तसेच संवेदनशील केंद्राच्या टेहाळणीसाठी ड्रोनचाही वापर करण्यात येणार आहे. या शिवाय गुगल मॅपमध्ये सर्व मतदान केंद्रे टॅग केल्याने मतदान केंद्र नेमके कुठे आहे, किती जवळ किंवा लांब आहे हे मतदारांना घर बसल्या समजणार आहे.

Image result for Indian Elections

राज्यातील २७६२ मतदान केंद्रे संवेदनशील म्हणून जाहीर करण्यात आली आहेत. केंद्रीय राखीव पोलीस दलाच्या ३५० तुकड्यांसह सुमारे तीन लाख पोलिसांचा बंदोबस्त राज्यभरात तैनात करण्यात आला आहे. त्याशिवाय छत्तीसगड, गुजरात, मध्यप्रदेश आणि तेलंगणामधून होमगार्ड्स मागवण्यात आले आहेत. आतापर्यंत ३३ उमेदवारांसह १७७९ जणांविरोधात आचारंसहिता भंगाचे गुन्हे दाखल करण्यात आले आहेत. राज्याप्रमाणेच मुंबई शहर जिल्ह्यातील १० विधानसभा मतदारसंघासह राज्यभर उद्या (दि. २१ ऑक्टोबर) विधानसभेच्या २८८ जागांसाठी मतदान होणार आहे. मुंबई शहर जिल्ह्यातील १० विधानसभा मतदारसंघात २५ लाख ९ हजार ५१८ इतके मतदार आहेत. सुलभ मतदान प्रक्रियेसाठी जिल्ह्यात २५९२ मतदान केंद्रे आहेत. मतदारांनी मतदानाचा हक्क बजावून आपले राष्ट्रीय कर्तव्य पार पाडावे, असे आवाहन जिल्हाधिकारी तथा जिल्हा निवडणूक अधिकारी शिवाजी जोंधळे यांनी केले.

Image result for Indian Elections

मतदानाच्या तयारी संदर्भात माहिती देण्यासाठी जिल्हाधिकारी कार्यालयात पत्रकार परिषद आयोजित करण्यात आली होती. त्यावेळी जोंधळे बोलत होते. मतदान प्रक्रियेसाठी मुंबई शहर जिल्हा प्रशासन सज्ज झाले असून, या निवडणुकीसाठी २१ हजार अधिकारी/कर्मचारी कार्यरत आहेत. तर कायदा व सुव्यवस्था राखण्यासाठी पोलीस कर्मचारी, राज्य राखीव पोलीस दला व केंद्रीय औद्योगिक सुरक्षा दल यांचे जवानदेखील तैनात करण्यात आले आहेत, अशी माहिती मुंबई शहर जिल्ह्याचे जिल्हाधिकारी तथा जिल्हा निवडणूक अधिकारी जोंधळे यांनी दिली.

मतदानाची वेळ

मतदानाची वेळ सकाळी ७ ते सायंकाळी ६ पर्यंत असून, सायंकाळी ६ वाजेपर्यंत मतदान केंद्राबाहेरील मतदान रांगेत उभ्या असणाऱ्या मतदारांना आपला मतदानाचा हक्क बजावता येईल.

Image result for Indian Elections

मतदारांना ११ ओळखपत्रांचे पर्याय

मतदारांनी सोबत ‘वैध मतदार ओळखपत्र’ (Electoral Photo ID Card / EPIC) आणणे गरजेचे आहे. सदर ओळखपत्र नसल्यास निवडणूक आयोगाने निश्चित केलेल्या ११ प्रकारच्या छायाचित्र ओळखपत्रांपैकी एक ओळखपत्र मतदानाला जातांना सोबत घेऊन जावे. मतदाराचे नाव मतदार यादीमध्ये आहे व ज्याच्याकडे वैध मतदार ओळखपत्र (EPIC) आहे अशा मतदारांना आपल्या मतदानाचा हक्क बजावता येईल. मात्र, वैध मतदार ओळखपत्र नसल्यास भारत निवडणूक आयोगाने निर्धारित केलेल्या ११ ओळखपत्रांपैकी कोणतेही एक ओळखपत्र सोबत आणणे गरजेचे आहे.

Related image

१) पारपत्र (पासपोर्ट)
२) वाहन चालक परवाना (Driving License)
३) छायाचित्र असलेले कर्मचारी ओळखपत्र (केंद्र / राज्य शासन /सार्वजनिक उपक्रम / सार्वजनिक मर्यादित कंपनीने दिलेले ओळखपत्र)
४) बँक किंवा पोस्ट ऑफिस द्वारे देण्यात आलेले छायाचित्र असलेले पासबुक
५) पॅनकार्ड
६) नॅशनल पॉप्युलेशन रजिस्टर (NPR) अंतर्गत ‘रेसिस्टेंस जीन आइडेंटिफायर’ (RGI) द्वारे दिले गेलेले स्मार्टकार्ड
७) मनरेगा कार्यपत्रिका
८) कामगार मंत्रालयाद्वारे दिले गेलेले आरोग्य विमा स्मार्ट कार्ड
९) छायाचित्र असलेले निवृत्तीवेतन दस्तावेज
१०) खासदार / आमदार / विधान परिषद सदस्य यांना दिलेले ओळखपत्र
११) आधारकार्ड

Related image

भ्रमणध्वनी नेण्यास परवानगी नाही

मतदान केंद्रात जाताना मतदारांना भ्रमणध्वनी नेण्यास परवानगी नाही. तरी मुंबई शहर जिल्ह्यातील सर्व मतदारांना आवाहन करण्यात येते की, त्यांनी मतदान प्रक्रियेत सहभाग नोंदविण्यासाठी मतदान केंद्रात येताना सोबत भ्रमणध्वनी असणार नाही, याची परिपूर्ण दक्षता घ्यावी.

मतदान केंद्रांवरील सोयी सुविधा

सर्व मतदान केंद्रावर पुरुष व महिला मतदारांसाठी स्वतंत्र रांगेची व्यवस्था, मदत केंद्राची व्यवस्था, प्रथमोपचार, पिण्याचे पाणी व शौचालय या सुविधा तसेच मतदारांच्या मार्गदर्शनासाठी माहिती फलक इत्यादी सुविधा असणार आहेत. मतदान केंद्रांच्या ठिकाणी बाल संगोपन केंद्रांची सुविधा देखील उपलब्ध करुन देण्यात येणार आहे.

Image result for Indian Elections
बॅलेट युनिट, कंट्रोल युनिट आणि व्हीव्हीपॅट

मुंबई शहर जिल्ह्यातील १० मतदार संघात बॅलेट युनिट ३ हजार ४५७, कंट्रोल युनिट ३ हजार ४५७ आणि व्हीव्हीपॅट ३ हजार ३७६ यापैकी ८६३ बॅलेट युनिट, ८६३ कंट्रोल युनिट आणि ७८२ व्हीव्हीपॅट राखीव ठेवण्यात आले आहेत. तसेच १७८ मतदान केंद्रावर वेबकास्टींग (Live Webcasting) सुविधा तर ९१ मतदान केंद्रांवर सुक्ष्म निरीक्षक असणार आहेत. तसेच काही मतदान केंद्रावर पावसामुळे पाणी साचून अडथळा निर्माण होण्याची शक्यता असल्यामुळे त्या अनुषंगाने मुंबई महानगर पालिकेला फुटपाथ तयार करणे आणि पंपिंग मशिनची व्यवस्था तयार ठेवणे अशा सूचना दिल्या आहेत. वॉटर फ्रुफ मतदान केंद्र स्थापित करण्यात आली आहेत.

Image result for Indian Elections

आचारसहिंता कालावधीत ८.४७ कोटींची रोख रक्कम जप्त

विधानसभा निवडणूक-२०१९ च्या पार्श्वभूमीवर मुंबई शहर जिल्ह्यात आदर्श आचारसंहिता अमंलबजावणी काळात निवडणूक भरारी पथकांमार्फत करण्यात आलेल्या ९ प्रकरणांत ८.४७ कोटींची रक्कम व मुद्देमाल जप्त करण्यात आला आहे. मुंबई शहर जिल्ह्यात विविध प्रकरणांत अवैधरित्या शस्त्र बाळगणे आणि बेकायदेशीररित्या शस्त्र विकण्याच्या आरोपात आतापर्यंत परवाना नसलेली शस्त्रे ११५ शस्त्र जप्त करण्यात आली असून, परवाना धारकांकडून २८७ शस्त्र जमा करून घेण्यात आली आहेत. यामध्ये विविध शस्त्रांचा समावेश आहे.

मद्यविक्री प्रतिबंध

राज्यातील विधानसभा निवडणूक प्रक्रिया खुल्या, मुक्त व निर्भय वातावरणात पार पाडण्यासाठी मतदानाच्या ४८ तास आधी ते मतदान प्रक्रिया संपेपर्यंत तसेच मतमोजणीच्या दिवशी दि. २४ ऑक्टोबर रोजी संपूर्ण दिवस मुंबई शहर जिल्ह्यात मद्यविक्री करण्यास मनाई करण्यात आली असून, हे तीनही दिवस कोरडे दिवस म्हणून पाळण्याचे बंधनकारक आहे. राज्यात लागू असलेल्या आचारसंहितेच्या पार्श्वभूमीवर आतापर्यंत राज्य उत्पादन शुल्क विभागाच्या भरारी पथकामार्फत मुंबई शहर जिल्ह्यातील १० मतदार संघात ५ लाख २९ हजार ९८७ किंमतीचे अवैध मद्य आणि ५ वाहने जप्त करण्यात आली असून, आतापर्यंत ६३ गुन्हे दाखल करण्यात आले आहेत.

सातारा लोकसभा पोटनिवडणुकीसाठी प्रशासन सज्ज

सातारा लोकसभा पोटनिवडणुकीसाठी आणि विधानसभेसाठी प्रशासन सज्ज झाले आहे. सातारा लोकसभेसह ६ विधानसभा मतदार संघात पुढीलप्रमाणे मतदारांची संख्या आहे. ९ लाख ४० हजार ७५३ पुरुष, ९ लाख ९ हजार ६२२ स्त्री, ९ हजार ३१ दिव्यांग, १८ तृतीयपंथी, तर ९ हजार ९२३ सेवा मतदार आहेत. फलटण व माण विधानसभा मतदारा संघात पुढील प्रमाणे मतदारारांची संख्या आहे. ३ लाख ४६ हजार ४७६ पुरुष, ३ लाख २५ हजार २१९ महिला, ३ हजार ७६४ दिव्यांग, १ तृतीयपंथी, तर २ हजार ७३५ सेवा मतदारांचा समावेश आहे.

जिल्हयात निवडणूकीसाठी एकूण २ हजार ९७८ मतदान केंद्रे सज्ज असून यातील लोकसभा तसेच विधानसभेसाठी २ हजार २७७ तर फलटण आणि माण मतदारसंघात ७०१ मतदान केंद्रे आहेत. जिल्ह्यात ८ ठिकाणी सखी मतदान केंद्र आहेत. तसेच मतदान प्रक्रियेसाठी १३ हजार ८०९ तर ८ हजार ३१२ महिला असे एकूण २२ हजार १२२ अधिकारी, कर्मचारी मतदानासाठी कार्यरत असणार आहेत.

Image result for Indian Elections

राज्यातील मतदार

८,९८,३९, ६०० एकूण मतदार
४,६८,७५,७५० पुरुष मतदार
४,२८,४३,६३५ महिला मतदार
३ लाख ९६ हजार दिव्यांग मतदार
१,१७,५८१ सर्व्हिस मतदार
२, ६३४ तृतीयपंथी मतदार
९६, ६६१ एकूण मतदान केंद्रे
९५,४७३ मुख्य केंद्रे
१,१८८ सहायक केंद्रे
३५२ सखी केंद्रे

मतदान यंत्रे

१, ७९, ८९५ एकूण यंत्रे
१,२६, ५०५ कंट्रोल युनिट
१,३५,०२१ व्हीव्हीपॅट यंत्रे

Related image

Tag – पंकजा मुंडे, धनंजय मुंडे, शरद पवार, अजित पवार, देवेंद्र फडणवीस, नरेंद्र मोदी, अमित शहा, राष्ट्रवादी काँग्रेस, भारतीय जनता पार्टी, शिवसेना, उद्धव ठाकरे, राज ठाकरे, असदुद्दीन ओवैसी, एमआयएम,

Leave A Comment

Your email address will not be published. Required fields are marked *