சபரிமலை ஆலய பிரச்சனைக்கு நீதிமன்றம் வழங்கிய தீர்ப்பு இதுவா ??

கேரள மாநிலத்தில் உள்ள புகழ்பெற்ற சபரிமலை ஐயப்பன் கோவிலில் குறிப்பிட்ட வயது பெண்களுக்கு அனுமதி இல்லை என்ற விவகாரத்தில் மறு சீராய்வு மனுக்கள் மீது உச்ச நீதிமன்றம் வழங்கும் தீர்ப்பு விவரங்களை இங்கு காணலாம்.

சபரிமலை வழக்கை பெரிய அமர்விற்கு மாற்றம் செய்தது மிகச்சரியானது – சுப்பிரமணியன் சுவாமி, பாஜக

சபரிமலை கோயிலிற்குள் பெண் பக்தர்கள் அனுமதிக்கப்படுவதை எதிர்த்து எங்களின் போராட்டம் தொடரும் – ராகுல் ஈஸ்வர், சபரிமலை தந்திரி குடும்பம்

* சபரிமலை ஐயப்பன் கோயிலுக்குள் பெண்கள் செல்வதற்கு போலீசார் பாதுகாப்பு அளித்தால் விளைவுகள் விபரீதமாகும் – கும்மனம் ராஜசேகரன், பாஜக

* உச்ச நீதிமன்றத்தின் தீர்ப்பை மதிக்கிறோம். வரவேற்கிறோம். இது பக்தர்களின் நம்பிக்கையை மேலும் வலுப்படுத்தும் – கண்டறு ராஜீவரரு, சபரிமலை தந்திரி

* முந்தைய தீர்ப்பிற்கு தடை ஏதும் விதிக்கப்படவில்லை. எனவே சபரிமலையில் அனைத்து வயது பெண்களும் செல்லலாம் என்ற நிலை தொடரும் – உச்ச நீதிமன்றம்

5 நீதிபதிகளில் 3 பேர் இந்த வழக்கை 7 நீதிபதிகள் கொண்ட அமர்வுக்கு மாற்ற பரிந்துரை செய்துள்ளனர் – உச்ச நீதிமன்றம்

* நீதிபதிகள் மாறுபட்ட தீர்ப்பு வழங்கியதால் பெரிய அமர்வுக்கு மாற்றம் செய்யப்படுகிறது – உச்ச நீதிமன்றம்

* சபரிமலையில் அனைத்து வயது பெண்களையும் அனுமதிக்கும் உத்தரவுக்கு எதிரான வழக்கு வேறு அமர்வுக்கு மாற்றப்படுகிறது – ரஞ்சன் கோகாய்

* பெண்கள் செல்ல கட்டுப்பாடு விதிக்கப்படுவது சபரிமலையில் மட்டுமல்ல, வேறு கோயில்களிலும், மசூதிகளிலும் உள்ளது – ரஞ்சன் கோகாய்

* மதம் சார்ந்த நம்பிக்கையை கருத்தில் கொண்டோம் – தலைமை நீதிபதி ரஞ்சன் கோகாய்

* தலைமை நீதிபதி ரஞ்சன் கோகாய் சபரிமலை வழக்கின் தீர்ப்பை வாசிக்கத் தொடங்கியுள்ளார்.

* சபரிமலை வழக்கில் தீர்ப்பு வழங்கும் 5 நீதிபதிகளும் உச்ச நீதிமன்றத்திற்கு வந்தடைந்தனர். இன்னும் சற்று நேரத்தில் தீர்ப்பு வழங்க உள்ளனர்.

* உச்ச நீதிமன்றத்தில் இருந்து எங்களுக்கு சாதகமான தீர்ப்பு வரும் என்று எதிர்பார்க்கிறோம் – சசி வெர்மா, பந்தலம் ராயல் குடும்பத்தின் உறுப்பினர்

* சபரிமலையில் மண்டல பூஜையை ஒட்டி 10,000 அதிகாரிகள் பணியில் ஈடுபடுத்த கேரள போலீசார் திட்டமிட்டுள்ளனர். இதில் 30 பெண் காவல் ஆய்வாளர்கள், எஸ்.ஐக்கள் உட்பட 307 பெண் அதிகாரிகளும் அடங்குவர். ஒட்டுமொத்த பாதுகாப்பு பணிகளும் கூடுதல் காவல்துறை இயக்குநர் ஷேக் தர்வேஷ் தலைமையில் நடைபெறுகிறது.

* வரும் 17ஆம் தேதி சபரிமலையில் மகர விளக்கு சீசன் தொடங்குகிறது. இது அடுத்த ஆண்டு ஜனவரி 21ஆம் தேதி வரை நடைபெறவுள்ளது. கடந்த ஆண்டை போல் போராட்டம், வன்முறை ஏற்படாமல் இருக்க போலீசார் தீவிர கண்காணிப்பில் ஈடுபட்டுள்ளனர்.

* சபரிமலை வழக்கில் உச்ச நீதிமன்றத்தின் தீர்ப்பு எதுவாக இருந்தாலும் மக்கள் அதனை ஏற்றுக் கொள்ள வேண்டும். இந்த தீர்ப்பை நடைமுறைப்படுத்த மாநில அரசு அனைத்து நடவடிக்கைகளையும் எடுக்கும் என்று நம்புகிறோம் – ஏ.பத்மகுமார், திருவாங்கூர் தேவசம் போர்டு தலைவர்

* அயோத்தி வழக்கில் உச்ச நீதிமன்றத்தின் நிலைப்பாடு, சபரிமலை வழக்கிலும் ஒத்துப்போகும் – கேரள பாஜக மாநில பொதுச் செயலாளர் எம்.டி.ரமேஷ்

* இன்று தீர்ப்பு வழங்கப்படுவதை ஒட்டி சபரிமலையில் பாதுகாப்பு அதிகரிக்கப்பட்டுள்ளது. அசம்பாவித சம்பவங்கள் ஏற்படாத வண்ணம் ஏராளமான போலீசார் குவிக்கப்பட்டுள்ளனர்.

* வரும் 17ஆம் தேதி தலைமை நீதிபதி ரஞ்சன் கோகாய் ஓய்வு பெறுகிறது. இதற்கு முன்னதாக சபரிமலை வழக்கில் தீர்ப்பு வழங்கப்படும் என்று எதிர்பார்ப்பு கிளம்பியது. அதன்படி இன்று காலை 10.30 மணிக்கு தீர்ப்பு வழங்கப்படும் என்று அறிவிக்கப்பட்டுள்ளது.

* சபரிமலையில் அனைத்து வயது பெண்களுக்கும் அனுமதி என்ற தீர்ப்பிற்கு எதிராகவும், ஆதரவாகவும் நாயர் சர்வீஸ் சொசைட்டி, சபரிமலை ஐயப்பன் கோயில் தந்திரி, திருவாங்கூர் தேவசம் போர்டு, கேரள மாநில அரசு என பல்வேறு தரப்பினரும் உச்ச நீதிமன்றத்தில் வாதம் செய்தனர்.

* உச்ச நீதிமன்றத்தின் தாக்கல் செய்யப்பட்ட சபரிமலை தொடர்பான மனுக்கள் அனைத்தையும் தலைமை நீதிபதி ரஞ்சன் கோகாய் தலைமையில் நீதிபதிகள் ஆர்.எப்.நாரிமன், ஏ.எம்.கன்வில்கர், டி.ஒய்.சந்திரசூட், இந்து மல்கோத்ரா ஆகியோரை கொண்ட அரசியல் சாசன அமர்வு விசாரித்தது.

கடந்த ஆண்டு மகர விளக்கு பூஜையின் போது போலீஸ் பாதுகாப்புடன் பெண்கள் ஐயப்பன் கோயிலுக்குள் வழிபாடு நடத்த சென்றனர். ஆனால் இதற்கு எதிராக மிகப்பெரிய அளவில் போராட்டங்கள் நடைபெற்றன. இருப்பினும் இந்த தீர்ப்பை நடைமுறைப்படுத்த கேரள அரசு தீவிரம் காட்டியது.

* உச்ச நீதிமன்றத்தின் தீர்ப்பை எதிர்த்து 56 மறு ஆய்வு மனுக்கள், 4 ரிட் மனுக்கள், 5 இடமாற்ற மனுக்கள் என மொத்தம் 65 மனுக்கள் தாக்கல் செய்யப்பட்டன.

சபரிமலை ஐயப்பன் கோயிலில் அனைத்து வயது பெண்களும் செல்லலாம் என்று கடந்த ஆண்டு செப்டம்பர் 28ஆம் தேதி உச்ச நீதிமன்றம் தீர்ப்பளித்தது.

* கேரள மாநிலத்தில் உள்ள புகழ்பெற்ற சபரிமலை ஐயப்பன் கோயிலில் 10 முதல் 50 வயது வரையிலான பெண்களுக்கு மட்டும் அனுமதி இல்லை. இந்த நடைமுறை பல ஆண்டுகளாக கடைபிடிக்கப்பட்டு வருகிறது.

Leave A Comment

Your email address will not be published. Required fields are marked *