వరల్డ్ కప్ ముందు విరాట్ కోహ్లీ పై సంచలన వ్యాఖ్యలు చేసిన గౌతమ్ గంభీర్ ..!

చెన్నై సూపర్ కింగ్స్, ముంబై ఇండియన్స్, మహేంద్ర సింగ్ ధోనీ, విజయ్ శంకర్, రోహిత్ శర్మ, రవీంద్ర జడేజా, తో ఓకే విరాట్ కోహ్లీ,తోనే గొడవ గౌతమ్ గంభీర్ కి.

ఐపీఎల్‌‌లో కోహ్లి కెప్టెన్సీపై విమర్శలు గుప్పించిన మాజీ క్రికెటర్ గౌతమ్ గంభీర్ మరోసారి విరాట్ నాయకత్వాన్ని విమర్శించాడు. కెప్టెన్సీ విషయంలో ఎంఎస్ ధోనీ, రోహిత్ శర్మలతో కోహ్లిని పోల్చలేమన్నాడు.

ఇప్పటి వరకూ ఒక్కసారి కూడా విరాట్ ఐపీఎల్ టైటిల్ గెలవలేదన్న గంభీర్.. నాలుగుసార్లు ఐపీఎల్ టైటిల్ గెలిచిన రోహిత్.. లీగ్‌లో అత్యంత విజయవంతమైన సారథిగా నిలిచాడని కొనియాడాడు.

కోహ్లి గైర్హాజరీలో ఆసియా కప్‌లో భారత జట్టుకు నాయకత్వం వహించిన రోహిత్ కప్ గెలిచిన విషయాన్ని గుర్తు చేశాడు.

‘రోహిత్ శర్మ సారథ్యంలోని ముంబై ఇండియన్స్ నాలుగుసార్లు ఐపీఎల్ టైటిల్ గెలిచింది. ధోనీ మూడుసార్లు ఐపీఎల్ ఫైనల్ గెలిచాడు.

కోహ్లి మాత్రం ఒక్కసారి కూడా ఐపీఎల్ ట్రోఫీని గెలవలేదు. కెప్టెన్సీ విషయానికి వస్తే.. ధోనీ, రోహిత్‌లతో కోహ్లీని పోల్చలేం. కోహ్లి కంటే రోహిత్ మరింత ఎత్తులో నిలిచాడు. ఈ విషయం దేశం మొత్తానికీ తెలుస’ని గంభీర్ తెలిపాడు.

వరల్డ్ కప్‌లో భారత జట్టుకు నాణ్యమైన మరో ఫాస్ట్ బౌలర్ అవసరమన్న గంభీర్.. బుమ్రా, షమీ, భువీలకు తోడుగా మరో పేసర్ కావాలన్నాడు.

ఆల్‌రౌండర్లు హార్దిక్, విజయ్ శంకర్ మరో పేసర్ స్థానాన్ని భర్తీ చేస్తారనే వాదనతో తాను ఏకీభవించనని చెప్పాడు. గంభీర్ ఈస్ట్ ఢిల్లీ నుంచి బీజేపీ తరఫున ఎంపీగా పోటీ చేసిన సంగతి తెలిసిందే.

 

Leave A Comment

Your email address will not be published. Required fields are marked *