చిరంజీవి నా జీవితంలో చూడనంత డబ్బు ఒక్కసారిగా ఇచ్చిన దేవుడు: ప్రముఖ కమెడియన్


మన చిరంజీవి అంటే పవన్ కళ్యాణ్, నాగబాబు, రామ్ చరణ్, కాజల్ అగర్వాల్, త్రిష, అనుష్క, వరుణ్ తేజ్, నాని, శ్రీదేవి, కృష్ణ, సునీల్, అలీ వీరందరికీ తెలుసు. సినిమా వాళ్ల జీవితం అంటే అద్దాల మేడలు, ఖరీదైన కార్లు, లగ్జరీ లైఫ్ ఇవే గుర్తుకు వస్తాయి. ఈ రంగుల ప్రపంచంలో విరజిల్లే తారలతో పాటు కన్నీటి గాధలు కోకొల్లలు.

ఒకప్పుడు స్టార్ హీరోలతో వందలాది చిత్రాల్లో నటించి.. కనీసం తినడానికి తిండి కూడా లేని దుర్భరమైన పరిస్థితి ఇండస్ట్రీలో చాలామందికి ఉంది. సినిమా తప్ప మరో ధ్యాస లేకపోవడం.. కళామ్మతల్లిని నమ్ముకున్న అనేకమంది ఆర్ధిక ఇబ్బందులతో బతుకు సాగిస్తున్నారు. అలాంటి వారికి ఆపన్నహస్తం అందిస్తూ మేం ఉన్నాం అంటూ అండగా నిలుస్తున్నారు మన హీరోలు.

సినిమా వాళ్లే లేకపోతే నేను ఎప్పుడో చనిపోయే వాడ్ని అంటున్నారు సీనియర్ నటుడు పొట్టి వీరయ్య. వందలాది చిత్రాల్లో నటించి వెండితెరపై నవ్వులు పూయించిన హాస్య నటుడు పొట్టి వీరయ్య.. తెలుగు, తమిళ, మళయాళ, కన్నడతో పాటు హిందీ సినిమాల్లో నటించి మంచి గుర్తింపు తెచ్చుకున్నారు.

అయితే వయసు మీద పడటంతో పాటు సినిమాల్లో అవకాశాలు లేకపోవడంతో ఇండస్ట్రీ మీద ఆధారపడి జీవిస్తున్నా అంటున్నారు 75 ఏళ్ల వీరయ్య. చిరంజీవి స్థాపించిన మూవీ ఆర్టిస్ట్ అసోషియేషన్ వల్లే నేను ఈరోజు బతుకుతున్నా అన్నారు. సినిమాల్లో నటిస్తేనే డబ్బులు వస్తాయి. తరువాత ఉండవు.

కాని మూవీ ఆర్టిస్ట్ అసోషియేషన్ వాళ్లు మాకు ప్రతి నెల పెన్షన్ ఇస్తున్నారు. అదే మమ్మల్ని బ్రతికిస్తుంది. అలాగే జగదాంబ ధియేటర్ వాళ్లు ప్రతి నెల నాకు డబ్బు పంపించి ఆదుకున్నారు. గతంలో నాకు అనారోగ్యం చేసినప్పుడు చిరంజీవి, దాసరి ఇలా చాలామంది ఆదుకున్నారు. ఈరోజు నేను ఇలా ఉన్నాను అంటే సినిమా వాళ్ల చలువే.

నేను అనారోగ్యంతో ఆర్ధిక ఇబ్బందుల్లో ఉన్నా అని తెలుసుకుని మెగాస్టార్ చిరంజీవి గారు.. మూవీ ఆర్టిస్ట్ అసోషియేషన్ ప్రెసిడెంట్‌గా ఉన్న శివాజీరాజాకి రూ. 2 లక్షల చెక్ పంపించారు. శివాజీ రాజా నాకు ఫోన్ చేసి చిరంజీవి గారు నీకు చెక్ పంపారు.. ఆయన వస్తారట నువ్ ఆఫీస్‌కి రా అని ఫోన్ చేశారు. నేను మా పాపని తీసుకుని ఆఫీస్‌కి వెళ్లా. రూ. 2 లక్షల చెక్ ఇచ్చారు.


నేను ఇన్నేళ్ల నా సినిమా ప్రయాణంలో లక్ష పైసలు కూడా చూడలేదు. కాని చిరంజీవి గారు నా జీవితంలో చూడనంత డబ్బు నాకు ఇచ్చారు’ అంటూ వీరయ్య తనకు సాయం చేసిన సినిమా ఇండస్ట్రీ గురించి చెప్పుకొచ్చారు.

అయితే వీరయ్య లాంటి వారు ఇండస్ట్రీలో చాలా మంది ఉన్నారు… వాళ్లను ఆదుకోవడానికి చిరంజీవిలా మిగిలిన స్టార్ హీరోలు ముందుకు వస్తే ఇలాంటి ఇంటర్వ్యూలు చాలా చదవొచ్చు.

Leave A Comment

Your email address will not be published. Required fields are marked *