సచిన్ వీవీఎస్ లక్ష్మణ్‌ లకు భారీ షాక్! నోటీసులు జారీ చేసిన బీసీసీఐ అంబుడ్స్‌మన్!

క్రికెట్ సచిన్ టెండూల్కర్ భారత క్రికెట్ లెజెండ్ పుట్టినరోజు ఏప్రిల్ 24… . 46వ పుట్టినరోజుని జరుపుకుంటున్న సచిన్ టెండూల్కర్‌కి ప్రపంచవ్యాప్తంగా అభిమానులు పుట్టిన రోజు శుభాకాంక్షలు తెలియచేసారు.

1973 ఏప్రిల్‌ 24న మహారాష్ట్రలోని ఓ సాధారణ మరాఠి కుటుంబంలో పుట్టిన ప్రపంచ వ్యాప్తంగా ఎంతోమంది క్రికెట్ అభిమానులకు ఆరాధ్య దేవుడయ్యాడు.కానీ అతడికి పుట్టినరోజున షాక్ తగిలింది.

హైదరాబాద్ సొగసరి బ్యాట్స్‌మన్ వీవీఎస్ లక్ష్మణ్‌, క్రికెట్ దిగ్గజం సచిన్ టెండూల్కర్కు బీసీసీఐ అంబుడ్స్‌మన్, ఎథిక్స్ ఆఫీసర్ డీకే జైన్ నోటీసులు జారీ చేశారు.

క్రికెట్ అడ్వైజరీ కమిటీ(CAC)లో సభ్యులుగా ఉంటూ ఐపీఎల్ ఫ్రాంచైజీలకు మెంటర్స్‌(సలహాదారులు)గా ఉండటంపై అభ్యంతరం వ్యక్తం చేస్తూ, ప్రత్యేక ప్రయోజనాలు పొందుతున్నారనే ఆరోపణలపై ఈ నోటీసులు పంపారు.

దీంతో బీసీసీఐలో విరుద్ధ ప్రయోజనాల అంశం మరోసారి చర్చనీయాంశంగా మారింది. వాస్తవానికి బీసీసీఐకు సేవలందిస్తోన్న సచిన్ టెండూల్కర్, వీవీఎస్ లక్ష్మణ్ ఎలాంటి జీతం తీసుకోవడం లేదు. అయినప్పటికీ నోటీసులు అందుకోవడం గమనార్హం.

భారత జట్టుకు కోచ్‌ నియామకంతో పాటు మరి కొన్ని కీలక నిర్ణయాల కోసం బీసీసీఐ కొన్నేళ్ల కిందట సచిన్‌, గంగూలీ, లక్ష్మణ్‌లతో క్రికెట్‌ అడ్వైజరీ కమిటీని ఏర్పాటు చేసిన సంగతి తెలిసిందే.

ఈ బాధ్యతలు నిర్వర్తించడానికి ఈ ముగ్గురూ జీతాలేమీ తీసుకోవట్లేదు. ఉచిత సేవే చేస్తున్నారు. అయినప్పటికీ ముంబై ఇండియన్స్, సన్‌ రైజర్స్‌ హైదరాబాద్ ఫ్రాంచైజీలకు మెంటర్స్‌గా ఉంటూ

ఈ కమిటీలో ఎలా కొనసాగుతారంటూ బీసీసీఐ అంబుడ్స్‌మన్‌ డీకే జైన్‌.. సచిన్‌, లక్ష్మణ్‌లకు నోటీసులు పంపారు. ఈ నోటీసులకు సచిన్, లక్ష్మణ్ ఈనెల 28లోగా లిఖిత పూర్వక వివరణ ఇవ్వాల్సి ఉంటుంది.

 

ఇప్పటికే భారత క్రికెట్ జట్టు మాజీ కెప్టెన్ సౌరబ్ గంగూలీ ఈ విషయంలో నోటీసులు అందాయి. ఆయన రిటైర్డ్ జడ్జ్ ముందు విచారణకు కూడా హాజరయ్యారు.

గంగూలీ క్రికెట్ అసోసియేషన్ ఆఫ్ బెంగాల్(CAB) అధ్యక్షుడిగా, సీఏసీ సభ్యుడిగా, ఢిల్లీ క్యాపిటల్స్‌కి సలహాదారుగా వ్యవహరిస్తున్నారు.

విరుద్ధ ప్రయోజనాలు పొందుతున్నారనే ఆరోపణలతో ఆయనకు నోటీసులు పంపారు. తాజాగా సచిన్, లక్ష్మణ్‌కు కూడా నోటీసులు అందాయి.

ఈ విషయంలో బీసీసీఐ కూడా తన స్పందన తెలపాలని జైన్ కోరారు. మధ్యప్రదేశ్ క్రికెట్ అసోసియేషన్ సభ్యుడైన సంజీవ్ గుప్తా చేసిన ఫిర్యాదుకు స్పందిస్తూ జైన్ ఈ నోటీసులు జారీ చేశారు.

Leave A Comment

Your email address will not be published. Required fields are marked *